प्रथम कारल्यांना उभे काप देउन आतील बिया काढून टाकाव्यात. एका पसरट पातेल्यात वा कढईत कारली व दहि एकत्र शिजत ठेवावीत. कारली बऱ्यापैंकी मऊ झाल्यावर व दह्याचे गोळे होऊ लागल्यावर ती काढून घ्यावीत व त्यावरील दहि झटकून टाकावे. नंतर कारल्यांना चिंच-गुळाचे घट्ट पाणी लावून ठेवावे. कांदे किसून घ्यावेत. तव्यावर तेल घेऊन त्यात किसलेले कांदे, लालसर होईपर्यंत भाजून घ्यावेत. मग त्यात अर्धा चमचा गरम मसाला, तिखट व मीठ घालावे व परत थोडेसे परतून घ्यावेत. मिश्रण थोडे थंड झाल्यावर कारल्यात भरून घ्यावेत. मग कारल्यांना दोरा गुंडाळून तोंड बंद करून घ्यावे. डाळिच्या पीठात अर्धा चमचा गरम मसाला, तिखट, मीठ व हळद घालून कोरडेच एकत्र करून घ्यावेत, मग ह्या मिश्रणात कारली घोळवून घ्यावीत व तव्यावर थोड्या तेलात खमंग परतून घ्यावीत.
अशा प्रकारे केलेली कारली कडू लागत नाहीत, त्यामुळे लहान मुलेही आवडीने खातात.
सासूबाई
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.