आमची प्रेरणा मिलिंद फणसे यांची सुरेख गझल मृगजळ
प्रत्येक भांडणाने मी धीट होत गेलो
पण बायको पुढे मी माघार घेत गेलो
शोधून काढले मी कपडे नवे तिचे अन
बोहारिणीस झुकते माप देत गेलो
त्याच्यात काय मोठे हे रोजचेच आहे
रामागडी बनूनी पत्नी सवेत गेलो
ताटात वाढलेल्या पाहून ह्या श्रीखंड
वाढेल वजन माझे ह्या वंचनेत गेलो
जा लाडक्या सख्यांनो, शोधा नवीन कोणी
मी आज बायकोच्या आहे गुहेत गेलो
लाडात बायकोला मी कुर्निसात केला
सवतीस भेटण्याला मोठ्या मजेत गेलो
बुडवून मृगजळी या मी आज "केशवा"ला
पुन्हा नव्या कवीचा मी शोध घेत गेलो
-केशवसुमार.
