मुळा धुवून पाल्यासकट बारीक चिरून घ्यावा. कांदा बारीक चिरावा. तूरडाळ दोन तास आधीच भिजवून निथळत ठेवावी.

तेलाच्या फोडणीत लसणीच्या पाकळ्या ठेचून टाकाव्या मग त्यात हिरवी मिरची हळद व तूरडाळ टाकून जरा परतून बारीक चिरलेला कांदा परतावा.  व मुळ्याची भाजी त्यात घालून एक वाफ येईपर्यंत परतावे. मग पाण्याचा एक हबका मारून झाकणीवर पाणी ठेवून भाजी शिजवावी. भाजी शिजली की मीठ, साखर चवीप्रमाणे व ओले खोबरे घालून भाजी गरमा गरम फुलक्या बरोबर वाढावी.