आमची प्रेरणा - पुलस्ति यांची गझल कळेना
मुलांना कसे वाढवावे कळेना
कशाने तयां झोडपावे कळेना
ज़नाना पहा सर्व बुरख्यात आहे
सख्यांना कसे ओळखावे कळेना
नको माहिती ही, नको अज्ञ सल्ले
कुणाला कधी गप्प व्हावे कळेना
किती टिप्पणे अन् किती तज्ञ हल्ले
कुणाला कसे तोंड द्यावे कळेना
विजेवीण उत्सव करू साजरा हा
कपातीस का त्या डरावे कळेना
विचारी उमा,"सांग ना चंद्रमौळी
तुला वश कसे मी करावे कळेना"
बरी जीन्स् अंगी, बरी की बिकीनी
कसे शेवटी मॉड व्हावे - कळेना
पुन्हा आणले शेर तू खोडसाळा
किती वाचकांना छळावे कळेना ?
