वांग्याला तेल लावून गॅसच्या आचेवर (किंवा बंद भांड्यात) नरम होई पर्यंत सगळ्या बाजूने भाजून घ्यावा.   भाजून झाल्यावर वरील काळी साल काढून टाकावी व चमच्याने अथवा वाटीने त्याचा लगदा करून घ्यावा.

कांदा, हिरवी मिरची व टोम्याटो बारीक चिरून घ्यावेत.  लसणाची पेस्ट करून घ्यावी, शेंगदाणे भाजून त्याचं कूट करून घ्यावं.

आता एका पॅनमध्ये २ टे. स्पून तेल तापवून त्यात प्रथम कांदा, लसणाची पेस्ट, हिरवी मिरची व कढीपत्ता परतून घ्यावा.  कांदा गुलाबी झाल्यावर त्यात टोम्याटो, वांग्याचा लगदा, शेंगदाण्यांचं कूट, थोडंसं लाल तिखट व चवीनुसार मीठ टाकून पॅनवर झाकण ठेवून ५-७ मिनिटं शिजवून घ्यावं.  शिजल्यावर वरून कोथिंबीर घालवी.

गरम असतानाच खायला द्यावं.  वाढून घेतल्यावर त्यात १ चमचा घट्ट दही घालावं.