प्रथम आवळे धुवून कोरडे पुसून घ्यावेत. कुकर मध्ये एका घट्ट झाकणाच्या डब्यात ठेवून ३-४ शिट्टया करून घ्याव्या. (पाण्याचा स्पर्श अजिबात होता कामा नये). गार झाल्यावर आवळे हाताने सोलून सुरीने लहान लहान फोडी करून घ्याव्या.

जाड बुडाच्या पातेलीत दोन वाट्या साखर घ्यावी. तीत अदमासे १ ते सव्वा वाटी पाणी घालून साखर अंमळ विरघळू द्यावी. नंतर पातेले गॅस वर ठेवून घट्ट सर एकतारी पाक करावा. तो थंड होत आल्यावर त्यात आवळ्याच्या फोडी टाकून ढवळावे व २ लवंगा स्वादासाठी घालाव्यात.

गार झाल्या वर स्वच्छ  काचेच्या बाटलीत भरून ठेवावा.
थंडीत रोज सकाळी उठल्यावर चमचाभर मोरावळा खाणे प्रकृतीस पथ्यकर असते!