कुऱ्हाडीचा दांडा , गोतास काळ
माणसाचा अंतकाळ ,  माणूसच आहे

माणसांची संख्या , वाढे बेसुमार
भुइसी भार , वाढतसे

वाढत्या प्रजेने , तोडीयले झाड
जाहले उजाड , डोंगरमाथे

बोडके डोंगर , गेलासे पाऊस
जाहली भकास , माळराने

येता दुष्काळ , पाण्याची भ्रांत
कोस पादक्रांत , घोटासाठी

नाही जलस्त्रोत , विजेची कपात
घोर अंधारात  , काढावी रात्र

वाढली वाहने  , वाढले प्रदुषण
आजारासी आवतणं ,  आयतेच

कोणा होई सर्दी , कोणा होई दमा
नाही याची तमा , कोणालागी

वाढले प्रदूषण  ,  वाढले तापमान
कमी आयष्यमान ,  झाले जीवसृष्टीचे

हरीश दांगट