जोडीदारा, जोडीदारा/ तुझी साथ सदा मला /

जीवनाच्या या गतीला / नित्य तूच संगतीला/

आयूष्याच्या वाटेवरती / सुख-दुःखांचे हिंदोळे /

तुझे माझे मन डुले / मस्त मौजेचे झुले /

कधी उंच गगनात / ध्वजा माझी फडकते /

पाठी घोष जयकाराचे / गुंज मनी बहरते /

कधी काळी अकस्मात / बळ पायीचे सरते /

तेव्हा घालून फुंकर / मंत्र काही पुटपुटे /

माझे निर्णय कठोर / तुझ्या मनावर वार /

मीच निर्दय आणि क्रूर / तू मात्र निर्विकार /

ऐल कधीच सुटले / पैल वाट दुरातली /

अजून वल्हतोची धार / साथ तूझी प्रेमातली /