अनाकलनीय - ५
आल्या-गेल्या क्षणांना आपणच आपलं म्हणायचं,
दुःखाला वळसा घालून पुढे चालत रहायचं..
नशिबाला दोष देत पुढे सरकत राहायचं ...
आणी ह्यालाच हसत-हसत जगणं म्हणायचं..
तुम्हीच सांगा, मनाला समजावंत जगायचं कसं ?
आता हसायला तरी, उसनं अवसाण आणायचं कसं ?
वाट चालायला जावं तर
रात्र अंगावर चालून येते..
सुख पहायला जावं तर
वाट अंधारात हरवून बसते..
तुम्हीच सांगा,
असं चाचपड्त तरी, कुठ्वर चालायचं असं ?
वाटेला दिशा समजत अंधारायचं कसं ?
आणी ह्यालाच हसत-हसत जगणं म्हणायचं तरी कसं?
कष्ट करायला जावं,
तर इष्ट काही घड्त नाही..
शांत पडून रहावं,
तर विचार सोड्वत नाही..
तुम्हीच सांगा,
असं कण्हत कण्हत, तरी नीजायचं कसं ?
पावसाची वाट बघत, रोज तरी जागायचं कसं ?
आल्या-गेल्या क्षणांना आपलं म्हणायचं
दुःखाला वळसा घालून पुढे चालत रहायचं
नशिबाला दोष देत पुढे सरकत राहायचं
आणी,
ह्यालाच हसत-हसत जगणं म्हणायचं
तुम्हीच सांगा, मनाला समजावंत जगायचं कसं ?
आणी हसायला तरी, उसनं अवसाण आणायचं कसं ?
माधव कुलकर्णी (संपाद्क)