नांव खरे घेवुनी इमाने               झाले जगणे कठिण आता -

खोटे नांव घेवुनी फिरणे           ते जगणेच कशाकरिता?

खळखळत क्षण हंसण्याचे         झाले दुर्मीळ आता -

क्षणॉक्षणी खोटे रडणे                ते जगणेच कशाकरिता?

कुणा कांही निरपेक्ष देणे           होत नाही शक्य आता -

बेशरम घेणे कुणाकडोनी          ते जगणेच कशाकरिता?

नाही येत भुते कोणी                 शिते संपलीत आता -

शिते शोधीत फिरायचे               ते जगणेच कशाकरिता?

पाहुनी माझी अवस्था               मंदशी हंसलीस आता -

नजरेत तुझ्या आश्वासन            अन्य विचार कशाकरिता!!