पुणेरी वाहतूक
वाहतुकीचे नियम आज सर्वच पाळीत होते ।
लाल दिवा लागताच सर्व तत्काळ थांबत होते ।।
कुणी करीत नव्हते पुढे जाण्याची घाई।
आज सर्वच वाटत होते मला मुन्नाभाई ।।
रस्ता ओलांडताना पादचारी निवांत चालत होते ।
कुठलेही वाहनचालक पांढऱ्या रेषेवर दिसत नव्हते ।।
कुठलाही नियम येवो त्याचा पुण्यात होई बट्ट्याबोळ ।
रस्ते दुरुस्तीचा तर नेहमीच चालत असतो घोळ ।।
पुण्यात वाहन चालवणे म्हणजे एक दिव्यच असते ।
प्राण मुठीत ठेवून तुम्हाला सावकाश जावे लागते ।।
आज हे सौजन्य बघून मी गेलो होतो हरकून ।
कुठल्याश्या मोठ्या आवाजाने जागा झालो खडबडून ।।
तेव्हा कळले मला हे होते स्वप्न मधुर ।
आता पुन्हा वाहन चालवताना "होतो मी चिंतातूर"२।।
- अनंत खोंडे
१८ ऑगस्ट २००९
