" चिऊताईचे घरटे"
चिऊताई चिऊताई सारखी तू येते जाते ।
काट्याकुट्या आणून सुंदर घरटे तू बांधते ॥
मऊ करण्या त्यामध्ये कापूस चिंध्या ठेविते ।
सुरक्षिततेची सर्व काळजी तू घेते ॥
उबदार त्या घरट्यामध्ये अंडी तू घालते ।
छान छान पिलांना जन्म तू देते ॥
चारा तू चोचीतून पिलांना भरविते ।
चिवचिवाटांनी त्यांच्या घर फूलून जाते॥
कोण तुला हे सारे सांग शिकविते? ।
पिलांचे पोषण करणे कसे तुला जमते? ।।
सतत चारापाणी आणून नाही थकत कशी? ।
थांबला तो संपला जणू ही, "शिकवण आम्हा देशी" ॥
अनंत खोंडे.
२९ऑगस्ट२००९.
