भेट घ्यावया तुझि 
                बेचैन मी अधिर मी ॥
अविट तुझ्या संगे
                कधि नव्हते सुखा उणे ।
अनवरत तुझ्यासवे
                  नेणिवेत रंगणे।
जागवु या त्या पुन्हा
                   सुरम्य सुखद आठवणी ॥१॥
लाभले होते मला
                    थोडेसे क्षण भाग्ये ।
मस्तक माझे तुझ्या
                    वक्षावरि शांतले ।
श्रवण पिऊ देत पुन्हा
                    ती हृदयातिल गाणी ॥२॥
देखुनि सवतीने त्या
                     आम्हा गाफील क्षणी ।
तोडुनी ते दिव्य बंध
                     धाडिले दिगंतरी ।
चल समजावु तिला
                      अपुलि भावना मनी ॥३॥
दाटे अंधार घोर
                      भिववितो क्षणोक्षणी ।
असह्य वाटतो विरह
                      उबगले अता अति ।
प्राणज्योत माझी
                      समर्पिन तंव पदी ॥४॥
भेट घ्यावया तुझि
                      बेचैन मी अधिर मी ॥