- पोहे - माणशी साधारणतः एक मुठ पोहे (अंदाजासाठी)
- वाटीभर गोड घट्ट दही, साय
- फोडणीचे साहित्यः डावभर तेल, मोहरी, जिरे, कुटाची (तळणाची) मिरची, कढीलिंब व हिंग
- २ लाल सुक्या मिरच्या
- बारीक चिरलेली हिरवी मिरची
- साखर चवीप्रमाणे
- मीठ चवीप्रमाणे
- व बारीक चिरलेली कोथिंबीर
सर्वप्रथम घट्ट दही घेऊन त्यात चवीनुसार साखर, मीठ, बारीक चिरलेल्या हिरव्या मिरच्या नीट कालवून घ्याव्यात. त्यात आयत्यावेळी पोहे न भिजवता घालावेत म्हणजे एकदम गच्च गोळा होत नाहीत. पोहे नीट कालवून मग हिंग लाल मिरची कढीलिंब घालून चुरचुरीत फोडणी करावी. त्यात कुटाची तळणाची मिरची ही तळून कुस्करावी आणि ती फोडणी पोह्यांवर ओतावी.
परत नीट कालवून हवे असल्यास वा घट्ट वाटल्यास थोडे दही घालावे सायही घालू शकता आणि कोथिंबीर घालून बाऊल मध्ये सजवावेत आणि यथेच्छ आस्वाद घ्यावा. 