" प्रीतीची पहाट"
बायको माझी स्वयंपाक करते ।
त्रासून नयनात अश्रू आणते ॥ध्रु॥ बायको...
वरण करता डाळ कच्ची ।
करते वरून ती बाचाबाची ॥
तिखट कमी मीठ जादा टाकते॥ध्रु॥बायको...
पोळ्या सर्व जगाचा नकाशा ।
भाजून करी समान कोळश्या ॥
मऊ करण्या त्या तूप फासते ॥ध्रु॥बायको...
भाजी नसे ती भासे पाला ।
त्रास नको म्ह्नणे जीवाला ॥
ताट वाढूनी पुढे ठेविते ॥ध्रु॥बायको...
वेडावून मी तोंड करता ।
उपहासाने उगी हासता ॥
ती क्षणी बावरी होते ॥ध्रु॥बायको...
मी खाता ते उत्साहाने ।
ती वाढते आग्रहाने ॥
प्रीतीची मग प्रभा उगवते॥ध्रु॥बायको...
अनंत खोंडे.
१०सप्टेंबर २००९.
