"माझी अमेरिका"
प्रत्येक येणाऱ्याला वाटते, माझी ही अमेरिका ।ध्रु।
विसरे मातृभूमिला, पाहून सुखसोयी येथील बर का!
कोणत्याही देशाचा असो नागरिक ।
व्हावे वाटे त्याला येथे स्थायिक ॥
सुख कोणाला नको असते का? ।ध्रु।१।
जो येतो तो येथे रमतो ।
पाहूनी सुविधा हरकून जातो ॥
सहज सर्व गोष्टी येथे उपलब्ध होतात बर का! ।ध्रु।२।
तुम्हा येथे पूर्ण स्वातंत्र्य आहे ।
सण साजरे करता पाहे ॥
कुणाचाही येथे हस्तक्षेप नाही बर का! ।ध्रु।३।
कामाचा दर्जा येथे कोणताच नाही ।
सर्वजण कोणतेही काम करत राही ॥
सर्वांनाच येथे मान मिळतो बर का! ।ध्रु।४।
प्रदुषणाला नाही थारा ।
थंडी, पाऊस वा असो वारा ॥
काळजी सर्वच घेतात बर का! ।ध्रु।५।
येथे नवे शोध नि अभ्यास सतत चालू असतो।
सर्व खेळांमध्ये यांचा ठसा उमटून दिसतो ॥
त्यामुळेच जगात नांव लौकीक आहे बर का! ।ध्रु।६।
नियमांचे पालन सर्वच करतात ।
शिस्तित सर्व वागत असतात ॥
शासनाचा धाक सर्वांनाच आहे बर का! ।ध्रु।७।
अनंत खोंडे
१६ सप्टेंबर २००९.