" सत्तेची रणधुमाळी"

पोळी पोळी पोळी। जिच्यासाठी चालू आहे सत्तेची रणधुमाळी।

पोळी पोळी पोळी।ज्यांच्या हाती असते सत्ता, त्यांचीच सारे वाजवतात टाळी। ॥ध्रु॥ पोळी .....

घरात ठेवून करोडो, बाहेर भिकाऱ्यासम वागती ।

अशीच आता समाजात ,नेत्यांची आहे भरती॥

अन्नासाठी कोटी जनता, फिरते हातात घेऊन थाळी ॥ध्रु॥१॥ पोळी.....

स्वतंत्र भारत म्हणवती, राजघराण्याचा कित्ता गिरवती।

निवडणूकीसाठी सारे आपलेच , नातीगोती जमवती॥

यांचे खोट्या आश्वासनांवर, जनता नेहमी भाळी॥ध्रु॥२॥पोळी.....

अशाने कधीच होणार नाही, देशाची प्रगती।

यासाठी हवीत आपणा, निःस्वार्थ त्यागी नेती॥

तेव्हाच खऱ्या अर्थाने, साजरी होईल दिवाळी॥ध्रु॥३॥पोळी...

अनंत खोंडे.

७ ऑक्टोबर २००९.