एका स्त्रीच्या विश्वासाची व्याख्या;

तुटत असते दररोजच तशी;

पण हातातून पडून फुटलेल्या काचेसारखी;

तिला गोळा करून फेकून देते ती.

तिला कदाचित माहीतच नसते;

बाहेरची झगमगाटी दुनिया;

म्हणूनच ती करत नाही सामना;

तिच्या पुरषासाठी वेड्या.

तो पुरुष जो अवघड जातानाही;

बरंच काही वाचवतो; वाचवायचा प्रयत्न करतो;

स्त्रीच्या निष्पाप विश्वासाच्या व्याख्येला;

तो जपण्याचा प्रयत्न करतो.

बऱ्याच वेळा हे शक्य नसत त्याला;

या पुरुषांच्या दुनियेत; पुरुष होण्याच्या प्रक्रियेत;

तरीही ठेचकाळत; रक्तबंबाळ होत तो घेउन येतो;

स्त्रीला काचेसारख्या विश्वासाची भेट.

घराच्या उंबरठ्यावर येतो तो;

तेव्हा दमलेला तो अडखळतो;

अन् तिथेच त्याने जपून आणलेल्या विश्वासाला;

जाणता अजाणता तडा जातो.