***************************
माग सख्या हवे तुला जे
तू एकांत माझा मागू नको..
छाया तुझीच मी सखया
तू अंत असा रे पाहू नको!!

तुझ्या कवेत हे भान हरावे
ते क्षण सौख्याचे सांडू नको..
मी विसरले देह-भान माझे
तू शुद्ध मनाची मागू नको!!

वाटेवर तुझ्या क्षितिज सांडलेले
वाट पाहण्याची ओढ सोडू नको..
मम स्वप्नी अलगद डोकावताना
तू स्वप्न माझे मागू नको!!

डोळ्यात माझ्या नकळत लपताना
तू अश्रू माझे मागू नको..
प्रीत माझी विसरताना
तू स्मृती माझ्या मागू नको!!

*****************************