मावळत्या दिनकरा(भा.रा.तांबे)
मावळत्या दिनकरा;
अर्घ्य तुज जोडुनी दोन्ही करा.
जो तो वंदन करी उगवत्या;
जो तो पाठ फिरवी मावळत्या;
रीत जगाची रे ही सवित्या;
स्वार्थपरायणानरा.
उपकाराची कुणा आठवण;
'शिते तोवरी भुते असे 'म्हण;
जगात भरले तोंडपुजेपण;
धरी पाठीवरी शरा.
आसक्त परी तू केलीस वणवण;
दिलेस जीवन हे नारायण;
मनी न धरले सानथोरपण;
समदर्शी तू खरा.
विडंबन १
उगवत्या प्रियकरा;
प्रेम तुज करते मी जरा.
जो तो समजे मला तुझी प्रिया;
अन् विसरे माझी जुनी प्रेमकथा;
रीत जगाची हिच प्रियकरा;
माझ्यावर प्रेम करणाऱ्या वेड्या.
जुन्या प्रियकराची कुणा आठवण;
'पैसा तोपर्यंत प्रेम' माझी म्हण;
मला भेटले कित्येकजण;
पण तू त्यात पैसेवाला खरा.
रंक परी तू झालास दिलदार;
दिलेस माझे हॉटेलच बील;
मनी न ठेवले माझे हिशेब;
समजूतदार तूच खरा.