हवी असल्यास फोडणीतली गोडनिंबाची पाने, लसणीच्या 3-4 पाकळ्या
शक्य झाल्यास अर्धी मूठ डाळिंबाचे दाणे
१५ मिनिटे
३ जणांसाठी
कोबी अगदी बारीक चिरून घ्यावी. गाजर किसून घ्यावे. कोथिंबिरीचे कोवळे देठही बारीक चिरावेत आणि पाने कात्रीने कापून वेगळी ठेवावीत.
वदनी कवळ घेण्याच्या 2 मिनिट आधी चिरलेल्या कोबीत व गाजरात दाण्याचे कूट, लिंबाचा रस, डाळिंबाचे दाणे बारीक चिरलेले कोथिंबिरीचे कोवळे देठ आणि गोडनिंबाची फोडणीतली पाने चुरडून हलक्या हाताने पण नीट मिसळावीत. मिरचीचे तुकडे आणि लसणीचे तुकडे घालावेत. वरून कोथिंबिरीचे पाने टाकावीत आणि थोडे डाळिंबाचे दाणेही.
आमटीभाताबरोबर किंवा नुस्तीही छान लागते.
पचडी करून बराच वेळ झाल्यास तिला पाणी सुटून ती पचपचीत होते. म्हणून ती जेवणाच्या 2 मिनिट आधी मिसळावी.
पचडीत कोबीसोबती गाजरच काय मेथी, पालक आदि पालेभाज्याही टाकून बघ्यावात. मी लिंबाऐवजी बारीक किसलेल्या कैरीचाही उपयोग केलेला आहे. अगदी थोडी कच्ची पपई, खजूरही वापरला आहे.
आईने शिकविले, मी प्रयोग केले
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.