बंधू... तुला रे कसला मृत्यू! :-)

बीजातून आले फुल, फुलातून आला सुगंध
फुल गेले कोमेजून, हा काय सुगंधाचा मृत्यू...!!
बंधू... तुला रे कसला मृत्यू...!!

वेळूतून झाली बासरी, बासरीतून उठला नाद
बासरी गेली तुटून, हा काय नादाचा मृत्यू....!!!
बंधू... तुला रे कसला मृत्यू...!!

आकाशात जमला ढग, ढगातून आला पाऊस
ढग गेला बरसून, हा काय पाण्याचा मृत्यू...!!!
बंधू... तुला रे कसला मृत्यू...!!

मातीतून आली उदबत्ती, त्यातून पेटला अग्नी,
उदबत्ती गेली विझून, हा काय अग्निचा मृत्यू...!!!
बंधू... तुला रे कसला मृत्यू...!!

ऊसातून आली साखर, साखरेत आली गोडी;
साखर गेली संपून, हा काय गोडीचा मृत्यू.....!!!
बंधू... तुला रे कसला मृत्यू....!!!!

अन्नातून आला अन्नाचा देह, अन्नरसाच्या गुणातून प्रकटले सत्व;
सत्वच नव्हे रे… हे तर 'स्वत्व'... स्व-तत्व!
देह-अन्न जाणारच ना रे सुकून, पण हा काय स्वत्वाचा मृत्यू....!!!
बंधू... तुला रे कसला मृत्यू....!!!!

जे नाही त्याचाच रे मृत्यू, जो आहेच त्याला कसला मृत्यू..!
जन्म-मृत्यूला जाता येता पाहणारा रे तू,
बंधू... अरे, तुला रे कसला मृत्यू...!!
बंधू... तुला रे कसला मृत्यू...!! :-)

सप्रेम

-नितीन राम
दुवा क्र. १