सप्रेम आठवण

विसरलास रे तू विसरलास,                                                                 
तुझे स्वरूप तू फक्त विसरलास!

शब्दांमध्ये गुंतलास आणि निशब्दालाच विसरलास,                                                                                        
विसरलास रे तू विसरलास, तुझे स्वरूप... तू फक्त विसरलास!

धावण्याकडेच सारखे लक्ष तुझे, मूळ मुक्काम मात्र विसरलास,                                 
विसरलास रे तू विसरलास, तुझे स्वरूप... तू फक्त विसरलास!

रंगीत चित्रांमध्ये रमलास आणि रिकामा कॅनव्हास विसरलास,                                
विसरलास रे तू विसरलास, तुझे स्वरूप... तू फक्त विसरलास!

शब्दांच्या अर्थाकडे लक्ष तुझे पण स्वार्थ (स्व-अर्थ) मात्र विसरलास,                              
विसरलास रे तू विसरलास, तुझे स्वरूप... तू फक्त विसरलास!

शिक्षणात बुडून गेलास पण ह्या क्षणाला मात्र विसरलास,                                        
विसरलास रे तू विसरलास, तुझे स्वरूप... तू फक्त विसरलास!

धारणांची रमी खेळताना हुकुमाचा राम मात्र विसरलास,                                     
विसरलास रे तू विसरलास, तुझे स्वरूप... तू फक्त विसरलास!

जिंकण्याच्या खेळामध्ये हारण्याची मौज घ्यायला विसरलास,                              
विसरलास रे तू विसरलास, तुझे स्वरूप... तू फक्त विसरलास!

योग, प्रयोगाच्या कार्यक्रमात, 'न झालेल्या' वियोगालाच विसरलास,                                                                 
विसरलास रे तू विसरलास, तुझे स्वरूप... तू फक्त विसरलास!

अनुभवांमध्ये रमता रमता, अनुभोक्त्याला मात्र विसरलास,                                          
विसरलास रे तू विसरलास, तुझे स्वरूप... तू फक्त विसरलास!

किनार्यां्वर खेळण्याच्या नादात, प्रवाहालाच विसरलास,                                            
विसरलास रे तू विसरलास, तुझे स्वरूप... तू फक्त विसरलास!

सुखांमागे धावता धावता, आत्मसुख तू …फक्त विसरलास,                                          
विसरलास रे तू विसरलास, तुझे स्वरूप... तू फक्त विसरलास!

जे 'क्षणिक' त्याची साठवण आणि जे 'कायम' त्याची नाही आठवण,                                                                    
विसरलास रे तू विसरलास, तुझे स्वरूप... तू फक्त विसरलास!

सप्रेम आठवण!

-नितीन राम          
                                                                                                                                        
०९ ऑक्टोबर २०१०
www.abideinself.blogspot.com