शेवया कुस्करा आणि तांबूस भाजून घ्या व एका ताटलीत काढून ठेवा. तेल गरम करून जिरं, मोहरी, हिरव्या मिरच्या, कढिलिंबाची पाने, उडदाची डाळ, लवंगा, दालचिनी अशी खमंग फोडणी करा. नंतर त्यात कांदा तांबूस होईपर्यंत परता. काजूचे तुकडे घालून परता. आता त्यात गरम पाणी घाला. मीठ व साखर घाला व उकळू द्या. चांगली उकळी आली की त्यात भाजलेल्या शेवया घाला. थोडे ओले खोबरे घाला. चांगली वाफ येऊ द्या.
खोबरे आणि कोथिंबिरीने सजवा. (फोटोतल्या डिशमध्ये खोबरे आणि कोथिंबिर घातलेले नाहीये.. )
खाताना लिंबू पिळून खा.