तुरीचे वरण घट्ट - (मूगडाळ मिक्स असली तरी चालेल)- २ चमचे
तेल, मीठ, मोहोरी, लसूण- ६-७ पाकळ्या, मिरची व लाल तिखट
गूळ- २ चमचे
४५ मिनिटे
३-४ जण
प्रथम अंबाडी नीट खुडून घ्यावी व स्वच्छ धुवून घ्यावी. एका पातेलीत वाटीभर पाणी घालून त्यात भाजी टाकून शिजावयास ठेवावी.
कुकर मध्ये नेहमीचा वरण भात झाला असेलच तर भात व वरण एका वाटीत घेऊन एकत्र घोटून घ्यावे. भाजी चांगली शिजली की आंचेवरून उतरावी व फोडणीसाठी कढई ठेवावी. जरा जास्त तेलात मोहरी- मिरची-लसणाची खमंग फोडणी करून त्यात ही भाजी घोटून घालावी. तिखट-मीठ चवी प्रमाणे घालून बेसन घालून ढवळावे व एक वाफ येऊ द्यावी. नंतर वरण भाताचे मिश्रण ओतावे व परत नीट ढवळून हादका द्यावा. शेवटी गूळ मिक्स करून उकळी काढावी व गॅस बंद करावा.
वाढतेवेळी दुसऱ्या एका कढल्यात लसणीची फोडणी तयार करून भाजीवर द्यावी. गरम- चुर्र असा आवाज झाला पाहीजे!
ज्वारीची गरम भाकरी, भाजी व कांदापात, मुळा, गाजर, भाजलेली हिरवी मिरची, असे सॅलड वाढावे.
ही भाजी एकदम कोरडी नसते... पळीवाढी करावी.
आत्या
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.