नकळत फिसकटल्या शाईवरती मी प्रेम केले
विरणाऱ्या प्रत्येक वहीवरती मी प्रेम केले
ओहोळात अवखळ गीत ओले सांडून गेले
तळी उरल्या शुष्क शब्दांवरती मी प्रेम केले
भटकलेल्या कित्येक ढगांना मी आपलेसे केले
विखरून थकल्या ठीगळावरती मी प्रेम केले
पानगळ अविभाज्य आहे हे वृक्षाने जाणले
माझ्या वठल्या कृश देहावरती मी प्रेम केले
सत्त्याने पोळलेले मुख वासलेलेच राहिले
सुस्त जिभेवरच्या तुळशीवरती मी प्रेम केले
