माझा श्रीगणेशा | पाठीशी हमेशा
वसे दाही देशा | माझा देव ||१||

ओंकाराचे रूप | ब्रह्मांड स्वरूप |
ह्रदया आप्रूप | दर्शनाची ||२||

गणेशाची स्वारी | आली माझ्या द्वारी |
आता नको वारी | पंढरीची ||३||

उजेड फाकला | अंधार झाकला |
हाच रे दाखला | देवा तुझा ||४||

बुद्धीचा सागर | दयेचे आगार |
संसारी माघार | नको आता ||५||

ब्रह्मानंदी टाळी | तुझ्या पायतळी |
गेली रात्र काळी | तुझ्यामुळे ||६||

मनातला भाव | जाणी तूच राव |
त्वरे मज पाव | लंबोदरा ||७||

विनंती माऊली | देई बा साऊली |
परत पाऊली | नको धाडू ||८||

म्हणे "निशिकांत" | होतो मी अशांत |
येता एकदंत | समधान ||९||

निशिकांत देशपांडे मो.क्र. ९८९०७ ९९०२३
E Mail:-  nishides1944@yahoo.com