गझल
शीड नाही, ना सुकाणू!
बळ, तटा! कोठून आणू?
वाबरा हा पिंड माझा....
सांग कैसी शिस्त बाणू?
मान्य, मी लवचीक आहे!
पण, नका भलतेच ताणू!!
रोज पोखरती मनाला.....
दुर्विचारांचे किटाणू!
जिंदगी का ठप्प होते?
कोणते शिरती विषाणू?
भीड ना आम्हा कुणाची;
शांततेमध्ये खणाणू!
बोलल्या भिंती सभेच्या.....
वेळ आली की, दणाणू!
शेर गझलेचे म्हणाले....
आमचे आम्ही भणाणू!
चेहरे बुरख्यातले हे.....
काय वाचू? काय जाणू?
जेवढी होईल टीका;
तेवढे आम्ही उधाणू!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
