गझल
थांबण्याजोगे कुठेही दार नाही!
ऐकण्याजोगा कुठे झंकार नाही!!
जोवरी होकार ती देणार नाही,
पान झाडाचे कुठे हलणार नाही!
एकही पडला चरा ना काळजाला;
पाहिजे तितकी सुऱ्याला धार नाही!
आजही झेपावती लाटा किनारी;
ओढ ती पण कालची अनिवार नाही!
हे कसे आले जिणे वाट्यास माझ्या?
ज्यात झाली जीत नाही, हार नाही!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
