यांव आहे, त्यांव आहे

फेकण्याची हाव आहे

हालल्याने डोलणारी

हुलकडूबी नाव आहे

दूध-पाणी एक होता

एक त्यांचा भाव आहे

मध्यभागी घाण-गोध्री

भोवताली गाव आहे

जीवनाने नोंद घ्यावी

जिंकलो मी डाव आहे

भ्रष्ट, लंपट, चोरटा पण;

बोलताना साव आहे

पेटलो मी पूर्ण कोठे?

अंतरंगी वाव आहे

फुंकताना धाप कसली?

'’अभय' झाले घाव आहे!

            - गंगाधर मुटे

----------------------------------------------

शब्दांचे ढोबळमानाने रूढार्थ

फेकणे = अतिरंजित बढाया मारणे

हुलकडूबी = अती हुरळून जाणारी