उजाडून आले आता उजाडून आले
खेळणाऱ्या पाखरांना उजाडून आले
खेळणारी पाखरे गेली आता दूर
अंधारात उरल्यांच्या डोळा उरे पूर
उजेडात शिरताना केवढा आनंद
मुक्ततेला मुक्ततेचा लागलासे छंद
वेगळेच प्रत्येकाला उजाडून आले
खेळणाऱ्या पाखरांचे जमेनासे झाले
भासला उजेड, परि निघाला अंधार
प्रत्येकाला गवसला वेगळा गंधार
गंधारचे गंधाराशी जुळेनासे झाले,
तरी वाटे प्रत्येकाला उजाडून आले
- अनुबंध
