ह्यो ह्यो नेता
ह्यो ह्यो ह्यो नेता,पाहून जनता
तोंड लपवित फिरतोय हो,
काही तरी घोटाळा दिसतोय हो ||धृ||
निवडणूक येता घरोघरी फिरतो |,
मतदानाची भीक मागतो |
निवडून येता विसरून जातो |,
असाच काहीतरी वागतोय हो ||धृ||१||
विधानसभेत जाऊन बसला |,
अश्लील चित्रे बघू लागला |
छंद हा असा लागला कसा |,
बारबाला संगे डोलतोय हो ||धृ||२||
खोटे बोलणे त्याचे ब्रीद |,
हुजरे त्याची देती साद |
आणून योजना जमवी धना |,
अनेक लबाड्या तो करतोय हो ||धृ||३||
अनंत खोंडे २४|७|२०१३.
