जीवना तुला जगतांना

भुंगे, मधमाशा, फुलपाखरांसाठी
मधाळ फुल होत गेलो
अमृताबरोबरच
विषही पचवित गेलो
                 जीवना तुला जगतांना
तडखे दैवाचे, घाव टाकीचे
सोसुन-सोसून
देव होताहोता, 'घडीव दगड'
समाजभिंतीचा होउन गेलो
                   जीवना तुला जगतांना
श्रमाची घसरण, दामाची चढण
हात घेणारे पाहत गेलो
प्रपंचासाठी झगडतांना
मनावर स्वार्थाची पुटं
चढवीत गेलो
                  जीवना तुला जगतांना
पाठीवरच्या थापेने
स्नेहीजनांच्या वत्सल शब्दांनी
हर्षाच्या चार थेंबांनी
मनमोराचा पिसारा
फुलवीत गेलो
                    जीवना तुला जगतांना
फुलण्याआधिच कळ्यांचं
मरण डोळा पाहत गेलो
जीवना तुझी क्षणभंगूरता
उरात या साठवीत गेलो
अंतिम या सत्याची जाण
मनाला होताहोता
'माणुस' मी होउन गेलो
                      जीवना तुला जगतांना.....!!!

                                                                          -उद्धव कराड, (मो. नं. ९८५०६८३०४५)
                                                                             मु. जळगांव, ता. निफाड, जि. नाशिक.