प्रिय गांधीजी,

तुमचा देश- वेश शोधण्यासाठी

निघालो काना-कोपऱ्यात, देशाच्या,

तुमच्या हाका- 'खेड्यात चलण्याच्या'

ऐकण्या निघालो, वाटा देशाच्या ,

प्रिय गांधीजी,

तुमची टोपी, दिसली- कुठे कुठे,

कुणा - कुणाच्या टाळक्यावर,

पण, तीच्याखाली नुसतीच -

टाळकी दिसली

प्रिय गांधीजी,

तुमचा सत्याग्रह दिसला,

आग्रहासारखा रस्त्या-रस्त्यावर,

सत्यापासून दूर दूर

पूर्वग्रहांच्या आधारावर .

प्रिय गांधीजी,

अहींसा सुद्धा कुठेच नाही सापडली,

डांगोरा, मात्र खूप दिसला,

तुमच्या काठीच्या आधाराने उभा,

गांधीवाद निराशेने फसला.