सखया, कृष्णा , मोहना ...
येशील नारे धावोनिया
माझीया शेवटल्या क्षणा....
बाप-मायने सांडियले ,
बंधू-भगिनीही भांडले ,
तुझ्या शिवाय येईना,
कोणाही माझी करुणा
तुची माझा राखण्या.
सखया, कृष्णा , मोहना ...॥ १॥
अति विश्वासोनी तुजवरी
घेतोय घाव आजवरी ,
सदैव तुची अंतरी ,
शेवटही गोड करी ,
पुरवी हीच कामना ,
सखया, कृष्णा , मोहना ...॥ २॥
जायाचे दुःख नलगावे ,
अंती आनंदयात्री व्हावे,
शमवी साऱ्या वासना,
सोडवी सारी बंधना ,
सखया, कृष्णा , मोहना ...॥ ३ ॥
तुझ्या सवेची निर्गता ,
सगुण वा निर्गुणा ,
देह ना ठेवी त्याविना ,
अखेरीचीही प्रार्थना ,
सखया, कृष्णा , मोहना ...॥ ४ ॥
येशील नारे धावोनिया
माझीया शेवटल्या क्षणा....