बाप्पा , बाप्पा , मोरया ...
सुख, समृधी घेऊन या .
आरतीच्या घंटानादात
आई मागते कांदा उतरो,
बाबा म्हणतात पेट्रोल घसरो
डॉलरला द्या अलगत धक्का
रुपायालाही जरा सावरा ॥१॥
बाप्पा , बाप्पा , मोरया ...
सुख, समृधी घेऊन या
बाप्पा म्हणतो , अरे हे काय
मागून मागून , मागता काय ?
मी तर आले द्याया न्याय.
देशीलाही तु मोठे काही
झोळी आमची फाटकी पाही
घेण्याचीही ताकत आता
आमुच्यात का राहीली नाही? ॥२॥
बाप्पा , बाप्पा , मोरया ...
सुख, समृधी घेऊन या.
मोठ्या मागण्या नंतर पाहू
आल्या दिसाची नड भागवू
जगवशील जिव आज तरी
उद्याची स्वप्न नवीन पाहू ॥३॥
बाप्पा , बाप्पा , मोरया ...
सुख, समृधी घेऊन या .
