महाभारत
अंदाधुंदीच्या यादवीने
कृष्ण केव्हाच संपविले
वाटाड्या वाचून इथे
अर्जुन किती मागे उरले
भळभळत्या जखमा घेऊन
हिंडती किती बुजुर्ग अश्वथ्थामे
अराजकतेच्या चक्रव्ह्युवात
जाती बळी किती अभिमन्यू इथे
किती पांडवांची होरपळ अन
किती झाल्या त्यांच्या कत्तली
किती कर्ण, भीष्म अन द्रोण
वाहती कौरवांच्या पखाली
किती आंधळे धृतराष्ट्र अन
गुलाम संजयांची इथे मांदियाळी
कौरवांचीच फक्त पाहा इथे
वाढते आहे वंशावळी
रामराज्य केव्हाच पहा
ग्रंथात गुंडाळून ठेवले
किती युगे लोटली तरी
अजुनी ' महाभारत ' कुठे संपले......???...!!!
-उद्धव कराड, (मो. नं. ९८५०६८३०४५)
मु. जळगाव, ता. निफाड. जि. नाशिक.
