पाश (गझल सदृश्य)
गजरा केसातला मला तो दरवळणे सांगून गेला
कैफ तुझ्या डोळ्यातला मला कुरवाळणे सांगून गेला
झाला का तुझा गर्म श्वास, झाले कसे गाल तरल गुलाबी
कंप तुझ्या नर्म ओठांचा मला सळसळणे सांगून गेला
पदर खांद्यावरचा सावरायचा बहाणा का केलास तू ?
किणकिणाट चुड्याचा मला हळहळणे सांगून गेला
बिलगून अलवार मला लटकेच ते का लाजलीस तू ?
स्पर्श तुझा मोरपिसाचा मला तळमळणे सांगून गेला
मोहरून अधीरतेने आलिंगन घट्ट असे दिलेस तू
' पाश ' तुझ्या बाहूंचा आपसात मिसळणे सांगून गेला
-उद्धव कराड, (मो. नं. ९८५०६८३०४५)
मु. जळगाव, ता. निफाड, जि. नाशिक.
