प्रेम....

खरं तर तुला सांगायचं नव्हतं
पण माझं तुझ्यावर प्रेम होतं

झाडाआडून बघायचं नव्हतं
उगाच गल्लीबोळांतून फिरायचं नव्हतं
देवळात जाण्याचा बहाणा करून
तुला एकटक न्याहाळायचं नव्हतं

शिकवण्या अन वाचनालये
मला अजिबात लावायची नव्हती
होळी अन रंगपंचमी
मला खेळायची नव्हती

मित्र मैत्रिणींना मला
चिडवायचं नव्हतं
पुस्तकात चिठ्ठ्या टाकून
मला तुला अडवायचं नव्हतं

तरी पण मी हे सर्व का केलं होतं
कारण माझं तुझ्यावर प्रेम होतं

राजेंद्र देवी