पुन्हा मग रंगली चर्चा तुझ्या माझ्याच नावाची

तुझे बस नाव होण्याला पुन्हा मी हारलो मित्रा

तशी तर कल्पना होती तुझ्या प्रत्येक डावाची 

म्हणे खूप धावते होते तिच्या शहरातले रस्ते

मला तर पायवाटीची सवय मझ्याच गावाची

तशी तर रोजची असते इथे दरवाढ ठरलेली

जरी ही कापणी होते बळीच्या रोज भावाची

उभे आयुष्य मी एका दिव्यावर काढले होते

जरी शेजार पाजारी दिवाळी रोज रावांची 

                                      -----स्नेहदर्शन