४/५ हिरव्या मिरच्या वाटलेल्या- सोबत हवे असल्यास थोडे आले वाटून
मीठ चवीनुसार- १ मुठ कोथिंबीर बारीक चिरुन, १ टमाटा बारीक चिरून
जिरे, हिंग व फोडणी साठी तेल किंवा तुप-, सजावटी साठी बारीक शेव.
३० मिनिटे
४ जणांसाठी
तयारी-
पोहे स्वच्छ निवडून व चाळून घ्यावेत. नारळ वाटून दाट दूध काढून- गाळणीने गाळून घ्यावे - नारळाच्या दुधातच चिंच कोळून घ्यावी. पाण्याचा अंश न वापरता चिंच कोळून घ्यावी. त्यातच गूळ व मीठ घालावे. (चवीला आंबटगोड असायला हवे - गुळाचे प्रमाण त्याप्रमाणात कमी जास्त करावे). आले/मिरच्या वाटून घ्याव्यात. कोथिंबीर व आवडत असल्यास टमाटा बारीक चिरून घ्यावा.
कृती-
छोट्या कढईत तेल अथवा तूप घेऊन गरम करावे. त्यात जिरे, हिंग, वाटलेल्या मिरच्या व आले टाकून खमंग फोडणी बनवावी. बारीक चिरलेला टमाटा कोळांत मिसळून मग फोडणी द्यावी म्हणजे चव व रंग/सजावट छान जमते. हा कोळ नीट एकजीव करून घ्यावा.
वाढताना एका बाऊल मध्ये पोहे घेऊन त्यावर पूर्ण पोहे भिजतील इतका कोळ घालून वर बारीक चिरलेली कोथिंबीर पसरावी - सजावटी साठी त्यावर बारीक शेव पण भुरभुरल्या सारखे घालावेत.
नारळाचे दूध दाट हवे -पोहे पाण्याने धुऊ नयेत- नाहीतर पोहे पांचट लागतात. मिरच्या तिखट व वाटून घेतल्या की तिखट चव छान लागते नाहीतर फक्त आंबट चवच येईल.
नारळ, चिंच, गूळ ह्या ऐवजी दही (४ वाट्या) घेतले तर दही पोहे होतात. दही गोड व थोडे घुसळल्या सारखे करून त्यावर फोडणी द्यावी. पोहे खायला द्यायच्या आधी मात्र फोडणीच्या दह्यात १०/१५ मिनिटे भिजवून मग द्यावेत.
चवीनुसार मीठ व गुळाचे प्रमाण कमी जास्त करावे. फोडणीत आपल्या आवडीचे साहित्य जसे कढीपत्ता वगैरे टाकले तरी चालते.
शेव टाकायची झाल्यास अगदी केसांसारखी बारीक घ्यावी
सौ.
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.