सारण :

उकडलेले बटाटे स्मॅश करून घ्यावेत. त्यात वाफवलेले मटार थोडेसे भरडून घालावेत.  आले-लसूण पेस्ट, हिरव्या मिरच्या बारीक चिरून घालाव्यात. १ चमचा मसाला घालावा. चवीप्रमाणे मीठ घालावे आणि त्यावर हिंगाची फोडणी घालावी. हे मिश्रण नीट मळून घ्यावे.

रवा, मैदा, उरलेला मसाला, मीठ एकत्र करून एका बशीत ठेवावे.

ब्रेडच्या कडा कापाव्यात. फार आतून कापू नयेत. ब्रेडची स्लाइस तळ हातावर घेऊन, त्यावर थोडेसे पाणी शिंपडावे. मग हि स्लाइस दोन्ही हातांनी दाबावी. आता या स्लाइसच मधोमध केलेल्या सारणाची उभी वळी (लोडाप्रमाणे) बनवून ठेवावी. आता, दोन्ही हातांनी त्या स्लाइस च्या कडा आत वळवून घट्ट दाबाव्यात, की त्या एकमेकीला चिकटल्या पाहिजेत. असा तो लोडासारखा आकार तयार होतो. 

हा रोल रवा-मैद्याच्या मिश्रणात घोळवून, तव्यावर थोडे-थोडे तेल सोडून शॅलोफ़्राय (मराठी शब्द???) करावा. असेच बाकीचे रोल्स बनवून घ्यावेत. आवडत असल्यास भज्याप्रमाणे तळून काढावेत.

केचप/ चिंचेच्या चटणी बरोबर खाण्यास द्यावेत.