मिरच्या छान ताज्या व पोपटी रंगाच्या जाडसर असाव्यात.
जास्त तिखट नकोत.मिरच्या धुऊन त्यांचे देठ काढून घ्यावेत.
मिरच्यांचे (लांब असल्यास) उभे दोन काप करून - नंतर आडवे दोन काप करावेत - मिरच्या लांब नसल्यास फक्त उभे दोन काप करावेत.

एका परातीत मोहरीची डाळ घ्यावी. त्यात आळं बनवून तेल टाकून फेटून घ्यावी. त्यात मीठ, सैंधव, लिंबाचा रस, हिंग व हळद चांगली एकजीव करून घ्यावी.

त्यात मिरच्यांचे तुकडे टाकून परत एकजीव करावे.
एकजीव करताना मिरच्या तुटणार नाहीत ह्याची काळजी घ्यावी.
एका धुतलेल्या काचेच्या बाटलीत भरून ठेवावे- मुरायला ४८ तास लागतात.