आमच्या पावलांची प्रेरणा मिलिंद फाणसे यांची पावले 

निलाजरी, बदनाम करती पावले
नको तिथे बघ रोज वळती पावले

पुन्हा पुन्हा ही रेष लक्ष्मण खोडतो
न मोहणे चुकते, न अडती पावले

परावलंबित्व काय असते वेगळे
सरळ कधी झिंगून पडती पावले?

न पाहिले चंचलचरण सौदामिनी
स्थिरावली कमरेत नवती पावले

दहा ठिकाणे लिहिण्यास ही मोकळी
मनोगती अडकून बसती पावले

न "केशवा" बदनाम उगीच तू इथे
सदा तुझी तिरकीच पडती पावले