ओले (न भाजलेले) काजू कोंकणात सध्या मिळतात. त्यांची साले काढणे हे किचकट असते. परंतु ती पहिली पायरी ओलांडायलाच लागेल.

काजू सोलून घ्यावेत.

खोबरे खवून घ्यावे.

तूप (एक मोठा चमचा) गरम करून घ्यावे. त्यात जिऱ्याची फोडणी करावी. लगेचच हिरव्या मिरच्यांचे तुकडे घालून ज्योत बारीक करावी.

निम्मे खोबरे घालून चांगले हलवावे व काजू टाकावेत.

दोन ते तीन मिनिटे वाफ आणावी आणि उरलेले खोबरे घालावे. अजून शिजवण्याची गरज वाटली तर झाकण न ठेवताच शिजवावे.

शेवटी मीठ घालून हलवावे आणि कोथिंबीर घालावी.