मनी काय होते, जनी काय केले?
तुम्ही येउनी या जगी काय केले?
तसा दोष असतो कधी हो कुणाचा
तरी प्रश्न उरतो - कुणी काय केले
मला वेगळा काय पर्याय होता?
तरी वाटते - हाय मी काय केले!
पुन्हा कोपर्यातून आवाज आला
"तुम्हाला कधी मी कमी काय केले?"
मला श्रेय मिळते - भल्याचे, बुर्याचे
स्मरेना खरे मी कधी काय केले
खरे चेहरे का कधी पाहिले मी
कसे ओळखावे - कुणी काय केले
तसा काळजाला बरा ओल आहे
विचारू नका पण तरी - काय 'केले'
-- पुलस्ति
