१. पातेल्यात किमान अंडी बुडतील इतके तरी पाणी घ्यावे. थोडे अधिक घेतल्यास उत्तम.

२. पातेले विस्तवावर ठेवावे.

३. पातेल्यात अंडी एकमेकांवर किंवा पातेल्यावर आदळून फुटणार नाहीत अशा बेताने अलगद ठेवावीत.

४. विस्तव चालू करावा.

५. पाण्याला उकळी आल्यानंतर, अंडी कडक (hard-boiled) किंवा मऊ (soft-boiled) कशी उकडायची आहेत त्यावर अवलंबून, योग्य तेवढा वेळ विस्तव चालू ठेवून अंडी उकडू द्यावीत, आणि मग विस्तव बंद करावा. (वेळेचा अंदाज: मऊ उकडलेल्या अंड्यांसाठी पाण्याला उकळी आल्यावर सुमारे २ ते ३ मिनिटे; कडक उकडलेल्या अंड्यांसाठी पाण्याला उकळी आल्यावर किमान ५ मिनिटे. थोड्या अनुभवानंतर हा अंदाज अधिक शोधित (refine) करता यावा.)

६. उकळते पाणी अंडी बाहेर पडणार नाहीत अशा बेताने पातेले वाकडे करून फेकून द्यावे. नंतर पातेल्यात थंड पाणी ओतून अंडी हाताला चटका बसणार नाहीत इतपत निवू द्यावीत, आणि मग ती एकएक करून बाहेर काढून हाताने सोलावीत.

७. सोललेली टरफले फेकून देऊन अंडी मीठ आणि मिरपुडीबरोबर खायला द्यावीत.