का परक्या दु:खात रहावे?
आपण आनंदात रहावे!

वय झाले, का वणवण करता?
देवा - देव्हार्‍यात रहावे

किरणांनी हळवे व्हावे अन -
दव थोडे पानात रहावे

भांडण झाले घोर तरीही
येत रहावे, जात रहावे

घोटावी ही लाळ किती रे
का कोणाचे खात रहावे?

कानावरती हात धरोनी
गाणार्‍याने गात रहावे!

नशिबाने हे पदरी पडले
का आम्ही तोर्‍यात रहावे?

श्वासांचा नसतोच भरवसा
जगताना लक्षात रहावे

  यंदाच्या मनोगत दिवाळी अंकासाठी आपले उत्तमोत्तम लेखन पाठवणार आहात ना?