इडली कृती- उडदाची डाळ आणि तांदूळ वेगवेगळे भिजत घाला, ७/८ तास. मेथी दाणे उडदाच्या डाळीत टाका. नंतर ते वेगवेगळेच बारीक वाटा आणि मग एकत्र करा. नंतर त्यात चमचाभर मीठ घाला. उबदार जागी ७, ८ तास ठेवा. पीठ फुगून येईल. एका मोठ्या पातेल्यात पाणी उकळत ठेवा, इडली स्टँडला तेलाचा हात लावा व त्यात पीठ घाला. साधारण १५ मिनिटे एका घाण्याला लागतात.

सांबार कृती- डाळ शिजवून घ्या. डाळीबरोबरच शेंगाही शिजवा. तेलावर खमंग फोडणी करून घ्या, त्यात लाल मिरची, कांदा घालून परता, सांबार मसाला व तिखट घालून परता. कांदा जरा गुलाबी झाला की इतर भाज्या घालून परता. शेंगा घाला. झाकण ठेवून एक वाफ आणा. चिंचेचा कोळ व डाळ घाला, पाणी घालून हवे तसे पातळ करा. उकळी आली की मीठ व हवा असल्यास गूळ घाला. खळखळून उकळू द्या. कोथिंबिर घालून सजवा. गरम गरम इडली सांबार सर्व्ह करा.