अंडी उकडून घ्यावीत. कांदे बारीक चिरून तेलावर तळून घ्यावेत. सुकं आणि ओलं खोबरं कोरडं थोडंसं भाजून घ्यावं. तळलेला कांदा, भाजून घेतलेलं खोबरं, लसूण पाकळ्या, लाल मिरच्या, दोन्ही मसाले एकत्र करून मिक्सरमधून अगदी बारीक वाटून घ्यावे. पॅनमध्ये तेल तापवून त्यात थोडा हिंग आणि हळद घालावी. नंतर वाटलेली मसाल्याची गोळी घालून तेल सुटेपर्यंत चांगली परतून घ्यावी. आवश्यकतेनुसार पाणी घालावे. चवीनुसार मीठ घालून एक उकळी आणावी. उकडलेल्या अंड्यांचे तुकडे करून अथवा अंड्याला लहान लहान चिरा पाडून अंडी ग्रेव्हीत सोडावीत. झाकण ठेवून एक चांगली उकळी आणावी. सर्व्ह करताना वरून चिरलेली कोथिंबीर घालून सर्व्ह करावी.
कांदा तळून घेण्याऐवजी कूकरमध्ये उकडून घेतला तरी सुद्धा चालतो. चवीत फरक पडत नाही. कांदा कूकरला लावून ३ शिट्ट्या करून घ्याव्यात. कॅलरी कॉन्शस लोकांसाठी हा पर्याय आहे. सुक्या मिरच्यांऐवजी लाल तिखट वापरले तरी चालते. किसलेल्या सुक्या खोबऱ्याऐवजी सुक्या खोबऱ्याचा तुकडा गॅसवर भाजून घेतला तरी छान खमंगपणा येतो.
मैत्रीण
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.
